काठमाडौं । विप्लव नेतृत्वको नेपाल कम्युनिष्ट पार्टीले आह्वान गरेको नेपाल बन्दको प्रभाव काठमाडौ उपत्यमा न्यून देखिएको छ ।
![](http://www.jyotikhabar.com/wp-content/uploads/2019/05/ligicbit.png)
बन्दले काठमाडौमा सामान्य प्रभाव पारेको छ । बजार, यातायात सञ्चालनमा छन् भने स्कुल तथा कलेज भने बन्द भएका छन् । बन्दको प्रभाव उपत्यकाबाहिरका केही स्थानमा भने परेको छ । मकवानपुर जिल्लाको पालुङ र दामनबीचको जंगलमा चार पाँच जनाका समुहले ना ५ ख ७४११ नम्बरको ट्रकमा आगजनी गरेका छन् । आगजनीबाट ट्रक पूर्णरुपमा क्षति भएको छ ।
त्यस्तै बन्दको अवज्ञा गरेको भन्दै कैलालीको मसुरियामा चन्द नेतृत्वका कार्यकर्तार्ले बसमा आगजनी गरेका छन्। गौरीगंगा नगरपालिको वडा नम्बर ८ र ४ को बीचमा रहेको जंगलमा विवाहको बसमा आगजनी गरेका हुन्र । कैलालीको भजनीमा जन्ती पुर्याएर आएको म १ ख ४४१ नम्बरको बसमा आगजनी गरिएको जिल्ला प्रहरी कार्यालय कैलालीले जनाएको छ। यसैगरी कैलालीकै घोडाघोडी नगरपालिका–२ साडेपानीमा ट्रकमा तोडफोड गरिएको छ।
![](http://www.jyotikhabar.com/wp-content/uploads/2019/05/ligicbit.png)
यस्तै बन्दका क्रममा नेपालगञ्ज–कोहलपुर सडकखण्डको राँझा चोकमा राखिएको केट्ली बम नेपाली सेनाले निष्क्रिय पारेको छ । बम राखिएको खबर पाएलगत्तै घटनास्थलमा पुगेका नेपाली सेनाको बम डिष्पोजल टोलीले बम निष्क्रिय पारेको थियो । बम राखेको सूचना पाउने बित्तिकै घटनास्थलमा पुगेको प्रहरीले नेपाली सेनालाई जानकारी गराएको थियो ।
बन्दका कारण बाँकेमा शिक्षण संस्था बन्द रहेका छन् भने लामो दूरीका सवारीसाधन चलेका छैनन् । नेपालगञ्जमा छोटो दूरीका सवारीसाधन र पसल व्यवसाय आंशिकरुपमा खुलेका छन् । सरकारले दुई दिनअघि घोषितरुपमै विप्लव नेतृत्वको नेकपामाथि प्रतिबन्ध लगाएपछि बम विष्फोटका घटनामा वृद्धि भइरहेका छन् ।