काठमाडौं । नेपालका मौलिक रैथाने धर्महरुलाई क्षति पुर्याउन तीब्र गतिमा भइरहेको धर्म परिवर्तनविरुद्ध स्वक्रियात्मक साझा रणनीति तयार गर्ने उद्देश्यले सहृदयता सम्मेलन आयोजना गरिएको छ ।
शनिबार काठमाडौंमा जरो किलो प्रतिष्ठान नेपालको मुख्य आयोजना र सहृदयता समाज नेपाल तथा युुग निर्माण महिला समाज नेपालको सह–आयोजनामा धार्मिक सहृदयता सम्मेलनको आयोजना गरिएको हो । सम्मेलनमा नेपालका मौलिक रैथाने धर्महरु हिन्दु, बौद्ध, किरात, जैन र बोनसँग सम्बन्धित विभिन्न संघसंस्थाहरुका विद्वानहरुको उपस्थिति रहेको थियो ।
राष्ट्रिय धार्मिक सहृदयता सम्मेलनको यो दोस्रो संकरण हो । गत वर्ष फागुुन ५ गते पहिलो पटक यो सम्मेलन आयोजना भएको थियो ।
