काठमाडौं । प्रदेश २ का मुख्यमन्त्री लालबाबु राउतले बारा र पर्सामा हावाहुरी पिडितलाई प्रदेश सरकारले सक्दो सहयोग गरेको बताउनुभएको छ ।
काठमाडौमा आयोजित कार्यक्रममा मुख्यमन्त्री राउतले उपचार, खाना, कपडा लगायत पुनर्वासको बारेमा पनि प्रदेश सरकार गम्भीर रहेको बताउनु भयो । उहाँले पिडितको घरघरमा नै गएर पिडितको समस्या बुझेको समेत जानकारी दिनुभयो । घटना भएदेखि नै प्रदेश सरकार गम्भीर भएर लागिरहेको र प्रदेश सरकारले बिभिन्न राहतको प्याकेजलाई अगाडि बढाइरहेको जानकारी दिनुभयो । मुख्यमन्त्री राउतले बारा र पर्सामा भएको घटनामा केन्द्रीय सरकारबाट पनि निकै सहयोग पाएको जिकिर गर्नुभयो ।
