काठमाडौ, १२ पुस । सरोज र आश्मा फिचर्ड गायिका तुलसा लिम्बुको ‘नौतले घर’को म्युजिक भिडियो सार्वजनिक भएको छ।यस गीतमा प्रताप दास र गायिका तुलसा लिम्बुको युगल स्वर सुन्न सकिन्छ। डान्सिङ शैलीको यस गीतमा डीपी खनालको शब्द र तारा प्रकाश लिम्बुको संगीत रहेको छ तथा निरज श्रेष्ठको संगीत संयोजन रहेको छ ।
गीतको भिडियोमा ‘कार्टुन क्रु’का सरोज र आश्मा बिश्वकर्माको साथमा गम्भीर बिस्ट र करिष्मा सिंह ठकुरीको दमदार नृत्य देख्न सकिन्छ । नवराज उप्रेतीले छायांकन गरेका यस गीतको भिडियोलाई नविन निरौलाले सम्पादन गरेका हुन् । गम्भीर बिस्टको कोरियोग्राफी र निर्देशनमा भिडियो तयार पारिएको हो । केन्द्र मोशन पिक्चर्सको आधिकारिक युट्युव च्यानलमार्फत भिडियो सार्वजनिक गरिएको हो । गायन र अभिनयलाई संगसंगै लिएर अघि बढिरहेकी गायिका लिम्बुले यस गीतको म्युजिक भिडियोलाई हेरेर प्रतिक्रिया दिन दिन सम्पुर्णलाई आग्रह गरेका छन्। https://youtu.be/fpDtn1u3S8s
