काठमाडौं, ११ भदौ । चर्चित नायक पुष्प खड्का र नायिका एलिजा गौतम अभिनित म सास बन्न पाए बोलको गीतको म्यूजिक भीडिओ
सार्वजनिक भएको छ ।
एन.आर क्रिएशनमार्फत आज उक्त भिडिओ सार्वजनिक गरिएको छ । नरेश रेग्मीको स्वर रहेको उक्त गीतमा शब्द रचना र संगीत भने वसन्त सापकोटाको छ ।
लकडाउनकै अवधिमा यसअघि एलिजा गौतम र दुर्गेश थापा अभिनित “आधी कपाल” बोलको गीतको भिडिओ पनि सर्वाधिक रुचाईएको थियो ।
यो गीतको भीडीओमा नायक खड्का र नायिका गौतमको जोडी अत्यधिक जमेको छ ।
